PANDU: SETIA HATI SINANDI

SET-tja boedja sinoepeket sing-SET

TI-niti sliring tindhak tinga-TI

JA-hanggajoeh pandahame ngawir-JA

HA-marsoedi hanggraning wiwa-HA

TI-noelate ing reh mangastoe-TI

SETIA HATI SINANDI

dening : NN

SE-kar poetjoeng, TI-noelis kinarja pemoet, JA-marang pra kadhang, HA-naloeri dhadija bhekti, TI-las labete awarginipoen Pak Soero.

SE-tja toehoe, TI-ti mjang talaten hatoel, JA-pamoelangira, HA-moemoeb moerih lantip, TI-tis sarta tjoekat ing kridhaning silat.

SE-djanipoen, TI-noelarake sakdharoem, JA-sagoenging langkah, HA-jwa kongsi nakatjitjir, TI-nata oeroet roentoet dadi djoeroes.

SE-net toehoe, TI-niti sagoenging lakoe, JA-solah bawanja, HA-sal saking warni-warni, TI-niroe pinindhet ingkang pinitaja.

SE-troesipoen, TI-nata sarta tjinampoer, JA-kaolah samja, HA-nambahi akal boedhi, TI-naloesoer noet ilham panggalihira.

SE-mono woes, TI-ti tjoekoep goenggoengipoen, JA-ana tri-dhasa, HA-langkoeng nem sampoen komplit, TI-ongkok Soenda Djawa Betawen lan Padang.

SE-nesipoen, TI-tjimandi oego miloe, JA-fort de Kock Lahat, HA-prijaman Minangkabaoe, TI-nambahan Singkara hanggamboehreka.

SE-wardhinipoen kantoen, TI-nari tekadhe pra sadoeloer, JA-hantebpe sarana nganggo pradjandji, HA-moerih daja rahayoe, TI-namtokna jwa padhoedhon.

SE-djane oerip roekoen, TI-nebihna saking toekar padhoe, JA-jah rena lir kadhang hanoenggil kapti, HA-nor raga pambekipoen, TI-namberi moerih kahot.

SE-mrambahe mring oemoem, TI-laro watak hakoemaloengkoeng, JA-sareh pikolehe mamartani, Ha-jwa ngoembar hardeng kalboe, TI-was dadi kabastoeron.

SE-mangsa woes katjakoep, TI-nampi ing trap kalih winoeroek, JA-winoelang toemrap rahayoening ngaoerip, HA-ngoedhi weninging kalboe, TI-noet met sihing Hjang Manaon.

SE-mangsa woes toewadjoeh, TI-niti tindhak tandhoek sakdharoem, JA-ntoek srana karanane ing trap katri, HA-prana pranaweng loejoet, TI-ti hamoeroenging lakon.

SE-pi ngalame soewoeng, TI-noepiksa narawang hanglangoet, JA-ikoe tapa telenging djalanadi, HA-lame winisesa woes, TI-ngal gaibing Hjang Manaon.

SE-ngadhine kang sampoen, TI-ti ing reh bangkit mikat ngoekoet, JA-koekoetane roebeksane kang ngati, HA-nanging moenggoeh to ingsoen, TI-tigane koedoe manggon.

SE-doeloeran sing perloe. TI-nitik saka kodrate hoerip, JA-ikoe djanma oerip bebrajan sami, HA-na djroning djagad srawoeng, TI-narik mring dhajaning wong.

SE-djatine lan hoerip, TI-nata mring tatanan sakdharoem, JA-moehoeng hangoedi rahayoe basoeki, HA-la betjik woes kaleboe, TI-timbangan sami oewong.

SE-ladjengipoen banjoer, TI-namengan warananing hoerip, JA-mamrih bagas kasarasan oegi, HA-nglalantih poerihipoen, TI-netoeng ing trap dwi manggon.

SE-sampoenipoen noetoeg, TI-namberi wewenganing kalboe, JA-handhrawa ing trap katri mesoe boedhi, HA-mrih toeloes tan kalimpoet, TI-ti megatroehing batos.

SE-kalangkoeng abot moenggoeh lampahipoen, TI-jang hoerip mrih besoeki. JA-jah roengkoet marganipoen, HA-nanging hangger marsoedi, TI-nari ing tekad nanggon.

SE-moe sareh ing reh martotama koedhoe, TI-namberi moerih lantih, JA-soedhane hawa nafsoe, HA-nor raga jwa njenjerik, TI-narboeka ring kang momong.

SE-mangsane woes kaboekaning ing kalboe, TI-ti mot kamoting diri, JA-jah pikantoek ing wahyoe, HA-nrawang djamane keksi, TI-nonton kaliroe nggon.

SE-wenehe kadang Setia Hati (SH) gampang kalimpoet, TI-lar reh kang woes djinandji, JA-moeng ngoedi silatipoen, HA-gawe tjongkakipoen diri, TI-nanding silat hatanggon.

SE-toehoene toemrape pentjak sakdharoem, TI-nitenan srana djoeri, JA-Setia Hati (SH) kang woes pan dhoeroeng, HA-tinggal glanggang kalindih, TI-nalikoen dadi kasor.

SE-lami woes loewih patang poeloeh tahoen, TI-ba oenggoel jen tinandhing, JA-ta kang mangkono maoe, HA-dja pamer wittan betjik, TI-lar wewekane batos.

SE-tja boedja soemarah kang moerbeng hoerip, TI-tinen thindak mjang kardhi, JA-saliring reka boesoek, HA-dja mawas ponang diri, TI-tenana tekaning gana.

SE-nadjan ta samangkja sih hoerip loehoer, TI-noetoepan boesana-dhi, JA-kineringan sakdharoem, HA-wit bisa noetoep wadi, TI-narka tan bisa mbrodjol.

SE-loerane ing mbesoek pamelehipoen, TI-bane adiling Widhi, JA-wohing kang woes tinandoer, HA-timoen ta thoekoel, TI-moen ja timoen sajektos.

SE-jogane hoerip oetamane lakoe, TI-las labete oetami, JA-ikoe beboedhen loehoer, HA-ngelingi toeroen bendjing, TI-larane hamanis kahot.

SE-neting tjas hangaloeri pikir, TI-narboeka risaksana dhadja, JA-panembah ring Hjang Manaon, HA-was eling mjang emoet, TI-stining tjas moeng hamarsoedi.

SE-pekete sesami, TI-nanja woes wanoeh, JA-wanoeh reh kasoedharman, HA-nor raga ngenaki tjasing sesami, TI-tahipoen Pangeran.

SE-laras woes ing batin mjang lahir, TI-noemboeke ring kridhaning angga, JA-lakoe ja beboedhene, HA-ran djang atineloe, TI-nalenan aoegeraning kapti.

SE-laminja tan woedar, TI-nroes rosing hoerip, JA-wranane kasat mripat, HA-wibahja ngalami noenggil sakwidji, TI-niti woes tan kewran.

SE-nadjan ngrekaos hamiwiti, TI-namberi jwa noewaling gita, JA-koedoe angantepi lakon, HA-jwa goemampang kegoeh, TI-narik hardhane kang kapti.

SE-daja kahanan donja, TI-ti tan langgeng woes, JA-owah gingsir sanjata, HA-moeng boedi pangeling prapteng woeri, TI-ningal selaminja.

SE-mono dingin woes hanjoekoepi, TI-noelis karja pemoet pra kadhang, JA-oega nembah bekthi ngeng, HA-soengkem soedjoed trenjoeh, TI-tising reh Pak Soero swargi.

SE-kar sinandi nama, TI-nata kagoenggoeng, JA-pada kehe djoeroes, HA-na tigang-dhasa nem Setia Hati, TI-ti woes srahing hangga.

(loOk) psht ranting comal cabang pemalang 1989